2¾ லட்சத்துக்கு தேங்காய்கள் ஏலம்

மேலூர்,ஜூலை

மேலூர் ஒழுங்குமுறை விற்பனைக்கூடத்தில் மட்டையுடன் கூடிய தேங்காய் மறைமுக ஏலம் மதுரை விற்பனைக்குழு செயலாளர் மெர்சிஜெயராணி தலைமையில் நடைபெற்றது. மேற்பார்வையாளர் மா.கருப்பையா ஏலத்தை பற்றி விளக்கினார். ஏலத்திற்கு மொத்தம் 35 ஆயிரத்து 750 தேங்காய்களை விவசாயிகள் கொண்டு வந்திருந்தனர். 6 விவசாயிகள் மற்றும் 5 வியாபாரிகள் கலந்து கொண்டனர். அதிகபட்ச விலையாக ரூ.10-க்கும், குறைந்தபட்சமாக ரூ.9.09-க்கும் தேங்காய்கள் ஏலம் போனது. மொத்தம் ரூ.2 லட்சத்து 73 ஆயிரத்து 613-க்கு ஏலம் போனது. இதனால் விவசாயிகள் மகிழ்ச்சி தெரிவித்தனர்.