மதுபோதை தகராறில் வாலிபர் குத்திக்கொலை

தூத்துக்குடி மாவட்டம் கோவில்பட்டியை சேர்ந்தவர் அழகர்சாமி. இவரது மகன் பிரபு (வயது 33). இவர் குடும்பத்தினருடன் கடந்த 10 ஆண்டுகளுக்கு முன்பு மதுரை எல்லீஸ்நகர் காந்திஜி காலனியில் வசித்து வந்தார். எனவே அங்குள்ள நண்பர்களை பார்ப்பதற்காக பிரபு நேற்று முன்தினம் மதுரை வந்தார்.
இந்த சம்பவம் குறித்து எஸ்.எஸ்.காலனி போலீசார் வழக்குப்பதிவு செய்து அந்த பகுதியில் பதுங்கியிருந்த ரிஸ்வான் அலி, குருமூர்த்தி ஆகியோரை கைது செய்தனர். இது தொடர்பாக போலீசார் அவர்களிடம் விசாரித்தபோது, ஒரு வழக்கு தொடர்பாக போலீசார் சம்பவத்தன்று குருமூர்த்தி வீட்டிற்கு வந்துள்ளனர். அப்போது அங்கிருந்தவர்களிடம் பிரபு குறித்து கேட்டுவிட்டு போலீசார் சென்று விட்டனர்.
அவரால் நாம் அனைவரும் போலீசாரிடம் சிக்கி கொள்வோம் என்று நினைத்து அவரை உடனடியாக மதுரையில் இருந்து செல்லுமாறு ரிஸ்வான் அலியும், குருமூர்த்தியும் கூறியுள்ளனர். ஆனால் பிரபு அங்கிருந்து செல்ல மறுப்பு தெரிவித்துள்ளார். இதுதொடர்பாக ஏற்பட்ட தகராறில் பிரபு கொலை செய்யப்பட்டது தெரியவந்தது. மேலும் அவர்கள் 3 பேர் மீது திருட்டு உள்ளிட்ட பல்வேறு வழக்குகள் இருப்பதாக போலீசார் தெரிவித்தனர்.