‘தினத்தந்தி’ புகார் பெட்டி

வத்தலக்குண்டு கடைவீதி பகுதியில் சாலையோரங்களில் குப்பை கொட்டப்படுகிறது. இதனால் சாலை முழுவதும் குப்பைகளால் ஆக்கிரமிக்கப்பட்டுள்ளது. 

இதன் காரணமாக வாகன ஓட்டிகள் பெரிதும் அவதிப்படுகின்றனர். மேலும் சுகாதாரக்கேடும் ஏற்பட்டுள்ளது. எனவே குப்பைகளை அகற்ற சம்பந்தப்பட்ட அதிகாரிகள் நடவடிக்கை எடுக்க வேண்டும்.

-சீனிவாசன், வத்தலக்குண்டு.

வேடசந்தூர் தாலுகா இ.சித்தூர் ஊராட்சி நல்லமநாயக்கன்பட்டி பகுதியில் உள்ள தண்ணீர் தொட்டியில் பொருத்தப்பட்ட குழாயின் வால்வு கடந்த 2 ஆண்டுகளுக்கு முன்பு சேதம் அடைந்தது. இதனால் தொட்டியில் நிரப்பப்படும் தண்ணீர் வீணாக வெளியேறி வருகிறது. 

தற்போது வரை வால்வு சீரமைக்கப்படவில்லை. இதனால் தண்ணீர் கிடைக்காமல் பொதுமக்கள் அவதிப்படுகின்றனர். எனவே தண்ணீர் தொட்டியை சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

-ராதாகிருஷ்ணன், நல்லமநாயக்கன்பட்டி.

வேடசந்தூர் அரசு ஆண்கள் மேல்நிலைப்பள்ளி முன்பு குப்பைகள் கொட்டப்படுகிறது. அடுத்த மாதம் (பிப்ரவரி) 1-ந் தேதி பள்ளி திறக்கப்பட்டதும் ஏராளமான மாணவர்கள் பள்ளிக்கு வருவார்கள். 

பள்ளி முன்பு குவிந்து கிடக்கும் குப்பைகளால் அவர்களுக்கு நோய் தொற்று பரவும் அபாயம் உள்ளது. எனவே குப்பைகளை அகற்ற சம்பந்தப்பட்ட அதிகாரிகள் நடவடிக்கை எடுக்க வேண்டும்.

-ரோஜா பிரியன், வேடசந்தூர்.

----------