நாக்பூரில் ஆர்.எஸ்.எஸ். தலைவர் முதல் நபராக ஓட்டு போட்டார்

நாக்பூர், 

நாக்பூர் தொகுதியில் ஆர்.எஸ்.எஸ். தலைவர் மோகன் பகவத், முதல் நபராக ஓட்டு போட்டார். ஓட்டுப்பதிவு தொடங்குவதற்கு முன்பே, காலை 6.50 மணிக்கு அவர் ஆர்.எஸ்.எஸ். பொதுச்செயலாளர் பையாஜி ஜோஷியுடன் வந்தார்.

காலை 7 மணிக்கு ஓட்டுப்பதிவு தொடங்கும்வரை காத்திருந்து, பின்னர் வாக்களித்தார்.

நிருபர்களிடம் பேசுகையில், மக்கள் பெருமளவில் திரண்டு வந்து வாக்களிக்க வேண்டும் என்று மோகன் பகவத் கேட்டுக்கொண்டார். நாக்பூர் தொகுதியில், மத்திய மந்திரி நிதின் கட்காரி போட்டியிடுகிறார்.