கேரள அரசு சார்பில் இளையராஜாவுக்கு ஹரிவராசனம் விருது

திருவனந்தபுரம்,

கேரள அரசும், திருவிதாங்கூர் தேவஸ்தானமும் இணைந்து இசைத்துறையில் சாதனை படைத்தவர்களை கவுரவிக்கும் வகையில் ஆண்டுதோறும் ஹரிவராசனம் என்ற பெயரில் சன்னிதானத்தில் வைத்து விருது வழங்கி வருகிறது. 2020-ம் ஆண்டுக்கான விருதை இசை அமைப்பாளர் இளையராஜாவுக்கு வழங்க கேரள அரசு தீர்மானித்து உள்ளது.

இந்த விருது இன்று (புதன்கிழமை) மகர விளக்கு தினத்தில் சபரிமலை சன்னிதானத்தில் உள்ள ஆடிட்டோரியத்தில் நடைபெறும் விழாவில் வழங்கப்படுகிறது.