காங்கிரஸ் இடைக்கால தலைவர் சோனியா காந்தியுடன் மல்லிகார்ஜுன கார்கே சந்திப்பு

புதுடெல்லி,

நாடாளுமன்ற குளிர்கால கூட்டத்தொடர் விரைவில் கூடவுள்ளது.  இதில், எரிபொருள் விலை உயர்வு உள்ளிட்ட முக்கிய விவகாரங்களை எழுப்ப எதிர்க்கட்சிகள் திட்டமிட்டு உள்ளன.

இந்த நிலையில், நாடாளுமன்ற மேலவை எதிர்க்கட்சி தலைவர் மல்லிகார்ஜுன கார்கே காங்கிரஸ் இடைக்கால தலைவர் சோனியா காந்தியை புதுடெல்லியில் நேரில் இன்று சந்தித்து பேசினார்.

இந்த சந்திப்புக்கு பின்பு அவர் செய்தியாளர்களிடம் கூறும்போது, வர இருக்கிற நாடாளுமன்ற குளிர்கால கூட்டத்தொடரில் எடுத்து கொள்ள வேண்டிய விவகாரங்களை பற்றி ஆலோசனை மேற்கொள்வதற்கான கூட்டம் ஒன்றை முடிவு செய்துள்ளோம் என கூறியுள்ளார்.