கருணாநிதியின் உடல் நலம் பற்றி விசாரித்தார் மத்திய மந்திரி நிதின் கட்காரி
காவேரி மருத்துவமனைக்கு வந்த மத்திய மந்திரி நிதின் கட்காரி, கருணாநிதியின் உடல் நலம் பற்றி விசாரித்தார். #Karunanidhi
சென்னை,
தி.மு.க. தலைவர் கருணாநிதி, உடல்நல குறைவின் காரணமாக கடந்த மாதம் 27–ந் தேதி நள்ளிரவு சென்னை ஆழ்வார்பேட்டையில் உள்ள காவேரி ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார். கருணாநிதியின் உடல்நிலையை டாக்டர்கள் குழுவினர் 24 மணி நேரமும் கண்காணித்து வருகின்றனர். அவருடைய உடல்நிலையில் முன்னேற்றம் காணப்பட்டு வந்த நிலையில், இன்று பின்னடைவு ஏற்பட்டுள்ளது என மருத்துவமனை அறிக்கையில் தெரிவிக்கப்பட்டுள்ளது. இதற்கிடையே திட்டமிட்டப்படி மத்திய மந்திரி நிதின் கட்காரி, கருணாநிதியை சந்திக்க சென்னை வந்தார். காவேரி மருத்துவமனை வந்த அவர், கருணாநிதியின் உடல்நிலை குறித்து விசாரித்தார்.
பல சவால்களை கடத்த கருணாநிதி இந்த சவாலையும் கடப்பார் என பா.ஜனதா தலைவர் தமிழிசை நம்பிக்கையை தெரிவித்துள்ளார்.
திமுக தலைவர் கருணாநிதி விரைவில் குணமடைந்து வீடு திரும்புவார் என தேமுதிக துணை பொதுச்செயலாளர் சுதீஷ் கூறியுள்ளார்.