தார் சாலை, சாக்கடை கால்வாய் பணி

மணவெளி தொகுதி தவளகுப்பம் காந்திஜி நகர், முத்து முதலியார் நகரில் தார்சாலை, கழிவுநீர் வாய்க்கால் ரூ.31 லட்சத்து 95 ஆயிரம் செலவில் அமைக்கப்படுகிறது. இதற்கான பூமிபூஜை நேற்று நடந்தது. பணிகளை சபாநாயகர் செல்வம் தொடங்கி வைத்தார். 

நிகழ்ச்சியில் அரியாங்குப்பம் கொம்யூன் பஞ்சாயத்து ஆணையர் ரமேஷ், உதவி பொறியாளர் நாகராஜன், இளநிலை பொறியாளர் சரஸ்வதி, தவளக்குப்பம் தொடக்க வேளாண்மை கூட்டுறவு வங்கி தலைவர் தட்சிணாமூர்த்தி, இயக்குனர் சிவசுப்பிரமணியன், தொகுதி பா.ஜ.க. பிரமுகர்கள் லட்சுமிகாந்தன், சக்தி பாலன், வாழுமுனி உள்பட பலர் கலந்து கொண்டனர்.