இ-சேவை மையத்தை பயன்படுத்த முடியவில்லை

திருப்பூர் கலெக்டர் அலுவலகத்தில் பொதுமக்கள் குறைதீர்க்கும் நாள் கூட்டம் நேற்று நடைபெற்றது. கூட்டத்தில் ஆலத்தூர் ஆதிதிராவிட குடியிருப்பு பகுதியை சேர்ந்த மகளிர் சுயஉதவிக்குழுவினர் அளித்த மனுவில் 'நாங்கள் ஆலத்தூர் தொடக்க வேளாண்மை கூட்டுறவு கடன் சங்கத்தில் உறுப்பினர்களாக உள்ளோம். சங்கத்தில் வரவு-செலவு வைத்துள்ளோம். எங்களுடைய ரேஷன் கார்டுகளுக்கு ரேஷன் கடையில் உணவு பொருட்கள் வாங்க செல்லும்போதெல்லாம் சங்கத்தின் ரேஷன் கடை பூட்டப்பட்டுள்ளது. மேலும் மகளிர் சுயஉதவிக்குழுக்களில் வரவு-செலவு செய்பவர்கள் அவசர தேவைக்கு பணம் எடுக்க முடியாத சூழ்நிலை உள்ளது. இதுகுறித்து சங்கத்தின் செயலாளர் சரிவர சங்கத்துக்கு வருவது இல்லை

சாதிச்சான்று, இருப்பிடச்சான்று, வருமான சான்று, பட்டா, சிட்டா போன்ற தேவைக்காக சங்கத்தில் உள்ள இ-சேவை மையம் இருந்தும் பயன்படுத்த முடியாமல் உள்ளது. 140 மகளிர் சுயஉதவிக்குழுவினருக்கும் பயன் இல்லாத நிலை உள்ளது. இதற்கு உரிய நடவடிக்கை எடுக்க வேண்டும்' என்று கூறியுள்ளனர்.