சீனாவில் மனித முகம் கொண்ட அதிசய மீன் - சமூக வலைத்தளத்தில் வைரலாகும் வீடியோ

பீஜிங்,

சீனாவின் யுனான் மாகாணம் குன்மிங்க நகரில் உள்ள மியோ என்ற கிராமத்தில் மிகப்பெரிய ஏரி உள்ளது. இங்கு அண்மையில் சுற்றுலா வந்த இளம் பெண் ஒருவர் ஏரியை சுற்றியுள்ள இயற்கை காட்சிகளை தனது செல்போனில் வீடியோ எடுத்து கொண்டிருந்தார்.

அப்போது ஏரியில் நீளமான மீன் ஒன்று கரையை நோக்கி நீந்தி வந்ததை அவர் கண்டார். அந்த மீனுக்கு மனிதர்களை போல் கண்கள், மூக்கு மற்றும் வாய் போன்றவற்றுடன் முகம் இருந்ததை கண்டு அவர் ஆச்சரியமடைந்தார்.

உடனடியாக அவர் அந்த அதிசய மீனை, தனது செல்போனில் வீடியோ எடுத்தார். பின்னர் 12 வினாடிகள் ஓடும் அந்த வீடியோவை அவர் சமூக வலைத்தளத்தில் பதிவிட்டார். தற்போது அந்த வீடியோ அனைத்து சமூக வலைதளங்களிலும் வைரலாக பரவி வருகிறது.

This fish has human face 😬😬😬😬😬 pic.twitter.com/tlQvRHMoFB

— lovepower (@fun4laugh2) 10 November 2019