அலாஸ்காவில் சக்தி வாய்ந்த நிலநடுக்கம்

அடாக், 

அமெரிக்காவின் வடமேற்கு பகுதியில் உள்ள மாகாணங்களில் ஒன்று அலஸ்கா.   கனடாவிற்கு  மிக அருகில் உள்ள இந்த மாகாணம், மிகவும் குளிரான பகுதி. எண்ணெய்க் கிணறுகள் அதிகம் காணப்படும் இந்த மாகாணத்தில் உள்ள அடக் நகரில் பயங்கர நிலநடுக்கம் ஏற்பட்டது. 

ரிக்டர் அளவில் 6.3 ஆக பதிவான நிலநடுக்கத்தால் கட்டிடங்கள் குலுங்கின. இதனால், மக்கள் பீதி அடைந்தனர். நிலநடுக்கத்தைத் தொடர்ந்து சுனாமி எச்சரிக்கை எதுவும் விடப்படவில்லை.  

உள்ளூர் நேரப்படி சனிக்கிழமை மாலை 4.54 மணிக்கு இந்த நிலநடுக்கம்  ஏற்பட்டது.  நிலநடுக்கத்தால் சேதம் எதுவும் ஏற்பட்டதாக தற்போது வரை எந்த தகவலும் இல்லை.