உலகைச் சுற்றி....
ஆப்கானிஸ்தானில் வரும் கிறிஸ்துமஸ் பண்டிகைக்குள் அமெரிக்க படைகள் முற்றிலுமாக திரும்பப்பெறப்படும் என்று அமெரிக்க ஜனாதிபதி டிரம்ப் நேற்று முன்தினம் அறிவித்தார்.
* ஆப்கானிஸ்தானில் வரும் கிறிஸ்துமஸ் பண்டிகைக்குள் அமெரிக்க படைகள் முற்றிலுமாக திரும்பப்பெறப்படும் என்று அமெரிக்க ஜனாதிபதி டிரம்ப் நேற்று முன்தினம் அறிவித்தார்.
* மத அடிப்படையிலான போராளிகளால் கடந்த ஆண்டு ஏப்ரல் மாதம் கென்யாவில் கடத்தப்பட்ட 2 கியூபா டாக்டர்கள் விடுவிக்கப்பட்டதாக வெளியான தகவல்களை சோமாலியா மற்றும் கியூபா அதிகாரிகள் மறுத்துள்ளனர்.
* பெலாரஸ் நாட்டின் எதிர்க்கட்சி தலைவர் ஸ்வெட்லானா டிகானோவ்ஸ்கயாவை கிரிமினல் குற்றச்சாட்டின்பேரில் தேடப்படும் நபராக ரஷியா அறிவித்துள்ளது.
* இத்தாலியில் கொரோனா தொற்றை கட்டுப்படுத்தும் நடவடிக்கையாக, வீட்டை விட்டு வெளியேறினாலே முக கவசம் அணிவதை கட்டாயம் ஆக்கி உள்ளனர்.
* கொரிய போரின் முடிவை முறையாக அறிவிக்க தென் கொரிய அதிபர் மூன்ஜேஇன் அழைப்பு விடுத்தார். இதற்கு அமெரிக்கா உதவ வேண்டும் என்று அவர் கேட்டுக்கொண்டார். போரின் இறுதி அறிவிப்பு உண்மையில் கொரிய தீபகற்பத்தில் அமைதிக்கு வழிவகுக்கும் எனவும் அவர் குறிப்பிட்டார்.
* சிங்கப்பூரில் ‘வாட்ஸ் அப் குழு’வுடன் குழந்தைகள் ஆபாச படங்களை பகிர்ந்த குற்றச்சாட்டில், 36 வயதான ஜாகிதுல் என்பவருக்கு 6 மாதங் கள் சிறைத்தண்டனை விதிக்கப்பட்டுள்ளது.