ஐ.பி.எல்.சூதாட்டத்தில் ஈடுபட்ட 5 பேர் கைது

டெல்லி. 

டெல்லியில்  படர்பூரில் உள்ள மோலர்பாண்ட் எக்ஸ்டென்ஷனில் உள்ள ஒரு குடியிருப்பில்  ஐ.பி.எல். சூதாட்டம் நடைபெறுவதாக போலீசாருக்கு ரகசிய தகவல் கிடைத்தது. 

அதனை தொடர்ந்து அங்கு சென்ற போலீசார் சூதாட்டத்தில் ஈடுபட்ட 5 பேரை கைது செய்தனர். மேலும் அவர்களிடம் இருந்த இரண்டு மடிக்கணினிகள், 13 மொபைல் போன்கள், ஒரு தொலைக்காட்சி பெட்டி மற்றும் ரூ.52,000 ரொக்கம் ஆகியவற்றை போலீசார் பறிமுதல் செய்தனர். மேலும் இதில் தொடர்புடைய மற்ற குற்றவாளிகளையும் போலீசார் தேடி வருகின்றனர்.