மியாமி ஓபன் டென்னிஸ்: இறுதிப்போட்டியில் ஆஸ்டாபென்கோ

மியாமி,

மியாமி ஓபன் சர்வதேச டென்னிஸ் போட்டி அமெரிக்காவில் நடந்து வருகிறது. இதன் பெண்கள் ஒற்றையர் பிரிவின் அரைஇறுதி ஆட்டம் ஒன்றில் பிரெஞ்ச் ஓபன் சாம்பியன் ஜெலினா ஆஸ்டாபென்கோ (லாத்வியா) 7-6 (7-1), 6-3 என்ற நேர்செட்டில் டேனிலே காலின்ஸ்சை (அமெரிக்கா) தோற்கடித்து இறுதிப்போட்டிக்கு முன்னேறினார். மற்றொரு அரைஇறுதியில் ஸ்லோனே ஸ்டீபன்ஸ் (அமெரிக்கா) 3-6, 6-2, 6-1 என்ற செட் கணக்கில் விக்டோரியா அஸரென்காவை (பெலாரஸ்) வீழ்த்தி இறுதிப்போட்டிக்குள் நுழைந்தார்.