துளிகள்

* அமெரிக்க டென்னிஸ் வீராங்கனை செரீனா வில்லியம்ஸ், தன்னை குறி வைத்து அடிக்கடி ஊக்கமருந்து சோதனை நடத்தப்படுவதாக ஊக்கமருந்து தடுப்பு கழக நிர்வாகிகள் மீது புகார் கூறியுள்ளார். தன்னிடம் சீரற்ற முறையில் ஊக்கமருந்து சோதனை நடத்தப்படுவதால் இதில் பாகுபாடு காட்டப்படுவதாக நினைக்கத் தோன்றுகிறது என்று ‘டுவிட்டர்’ பக்கத்தில் குறிப்பிட்டு இருக்கிறார்.

*வெஸ்ட் இண்டீஸ்-வங்காளதேசம் அணிகள் இடையிலான 3 போட்டிகள் கொண்ட ஒரு நாள் கிரிக்கெட் தொடரில் 2-வது ஆட்டம் புரோவிடன்சில் இன்று நடக்கிறது. முதலாவது ஆட்டத்தில் வங்காளதேச அணி 48 ரன்கள் வித்தியாசத்தில் வெற்றி பெற்றிருந்தது.