ஷாங்காய் ஓபன் டென்னிஸ்: அரைஇறுதியில் பெடரர், ஜோகோவிச்

ஷாங்காய் மாஸ்டர்ஸ் ஓபன் டென்னிஸ் போட்டி சீனாவில் நடந்து வருகிறது. இதில் ஒற்றையர் பிரிவில் நேற்று நடந்த கால்இறுதி ஆட்டம் ஒன்றில் உலக தரவரிசையில் 2-வது இடத்தில் இருக்கும் ரோஜர் பெடரர் (சுவிட்சர்லாந்து) 6-4, 7-6 (7-4) என்ற நேர்செட்டில் 12-ம் நிலை வீரரான நிஷிகோரியை (ஜப்பான்) தோற்கடித்து அரைஇறுதிக்கு முன்னேறினார்.

மற்றொரு ஆட்டத்தில் 3-ம் நிலை வீரரான ஜோகோவிச் (செர்பியா) 7-6 (7-1), 6-3 என்ற நேர்செட்டில் கெவின் ஆண்டர்சனை (தென்ஆப்பிரிக்கா) வீழ்த்தி அரைஇறுதியை எட்டினார்.