ராம் சரணின் "பெடி" படத்தின் அப்டேட்

சென்னை,

தெலுங்கு திரையுலகின் முன்னணி நடிகரான ராம் சரண் தனது 16-வது படத்தில் நடித்து வருகிறார். தற்காலிகமாக 'ஆர்.சி 16' என பெயரிடப்பட்டுள்ளது. இப்படத்தில், ஜான்வி கபூர் கதாநாயகியாக நடிக்கிறார். ராம் சரணுடன் ஜான்விகபூர் நடிக்கும் முதல் படம் இதுவாகும்.

இயக்குனர் புச்சி பாபு இயக்கும் இப்படத்திற்கு ஏ.ஆர். ரகுமான் இசையமைக்கிறார். ரித்தி சினிமாஸ் மற்றும் மைத்ரி மூவி மேக்கர்ஸ் தயாரிக்கும் இப்படத்தின் படப்பிடிப்பு ஐதராபாத்தில் நடைபெற்று வந்தநிலையில், தற்போது முடிவடைந்திருக்கிறது. அடுத்தக்கட்ட படப்பிடிப்பு டெல்லியில் நடைபெற உள்ளதாக தெரிகிறது.

நடிகர் ராம் சரணின் பிறந்த நாளன்று இப்படத்தின் பர்ஸ்ட் லுக் போஸ்டர் வெளியானது. அதில் இப்படத்திற்கு 'பெடி' என்ற தலைப்பு வைக்கப்பட்டுள்ளது.

இந்நிலையில், 'பெடி' படத்தின் கிளிம்ஸ் வீடியோ வரும் ஏப்ரல் 6ம் தேதி வெளியாக உள்ளதாக படக்குழு அறிவித்துள்ளது.