தமிழகத்தில் 8 இடங்களில் 100 டிகிரியை தாண்டி வெப்பம் பதிவு
அதிகபட்சமாக ஈரோடு மற்றும் கரூர் பரமத்தியில் 104.36 டிகிரி பாரான்ஹீட் வெப்பம் பதிவாகியுள்ளது.;
கோப்புப்படம்
கடந்த மார்ச் மாதத்தில் இருந்தே வெயில் வாட்டி வதைத்து வருகிறது. இந்த நிலையில் அக்னி நட்சத்திரம் என்று சொல்லக்கூடிய கத்திரி வெயில் கடந்த 4-ந்தேதி தொடங்கியது. கத்திரி வெயில் காலத்தில் இயல்பைவிட வெப்பத்தின் தாக்கம் அதிகரித்து கோரத்தாண்டவம் ஆடும். அந்த வகையில் வெயிலின் தாக்கத்தை சற்று அதிகமாகவே உணரமுடிகிறது.
இந்த நிலையில் இன்று தமிழகத்தில் 8 இடங்களில் வெயில் 100 டிகிரி பாரன்ஹீட்டை தாண்டி பதிவாகியுள்ளது. அதிகபட்சமாக ஈரோடு மற்றும் கரூர் பரமத்தியில் 104.36 டிகிரி பாரான்ஹீட் வெப்பம் பதிவாகியுள்ளது. 100 டிகிரியை தாண்டி வெயில் பதிவான இடங்கள் விவரம் வருமாறு:-
ஈரோடு - 104.36 டிகிரி பாரான்ஹீட்
கரூர் பரமத்தி - 104.36 டிகிரி பாரான்ஹீட்
மதுரை விமான நிலையம் - 104 டிகிரி பாரான்ஹீட்
மதுரை நகரம் - 103.64 டிகிரி பாரான்ஹீட்
பாளையங்கோட்டை - 103.1 டிகிரி பாரான்ஹீட்
திருச்சி - 103.1 டிகிரி பாரான்ஹீட்
வேலூர் - 102.38 டிகிரி பாரான்ஹீட்
திருத்தணி - 101.66 டிகிரி பாரான்ஹீட்