ஆசிய கோப்பை ஆக்கி: இன்று தொடக்கம்

ராஜ்கிர்,

12-வது ஆசிய கோப்பை ஆக்கி போட்டி பீகார் மாநிலம் ராஜ்கிர் நகரில் இன்று தொடங்கி செப்டம்பர் 7-ந்தேதி வரை நடக்கிறது. இதில் பங்கேற்கும் 8 அணிகள் இரு பிரிவாக பிரிக்கப்பட்டுள்ளன. ‘ஏ’ பிரிவில் இந்தியா, சீனா, ஜப்பான், கஜகஸ்தான் அணிகளும், ‘பி’ பிரிவில் நடப்பு சாம்பியன் தென் கொரியா, மலேசியா, வங்காளதேசம், சீனதைபே அணிகளும் இடம் பெற்றுள்ளன.

ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் இரு பிரிவிலும் டாப்-2 இடங்களை பிடிக்கும் அணிகள் சூப்பர்4 சுற்றுக்கு முன்னேறும். அதில் இருந்து இரு அணி இறுதிப்போட்டிக்கு தேர்வாகும். பாதுகாப்பு பிரச்சினையை காரணம் காட்டி பாகிஸ்தான் வர மறுத்தால் அந்த அணிக்கு பதிலாக வங்காளதேசம் சேர்க்கப்பட்டது.

இந்த போட்டியில் மகுடம் சூடும் அணி அடுத்த ஆண்டு நடக்கும் உலகக் கோப்பை ஆக்கி போட்டிக்கு நேரடியாக தகுதி பெறும் என்பதால் முக்கியத்துவம் பெற்றுள்ளது.

இதில் இந்திய அணி தனது முதல் ஆட்டத்தில் சீனாவுடன் இன்று மோதுகிறது. மற்ற ஆட்டங்களில் மலேசியா- வங்காளதேசம், தென் கொரியா- சீனதைபே, ஜப்பான்- கஜகஸ்தான் அணிகள் மோதுகின்றன.