உலக செய்திகள்

‘இந்தியா, பாகிஸ்தான் இடையே பதற்றம் குறைந்து வருகிறது’ - டிரம்ப் பேட்டி + "||" + Tensions between India and Pakistan dwindling - Interview with Trump

‘இந்தியா, பாகிஸ்தான் இடையே பதற்றம் குறைந்து வருகிறது’ - டிரம்ப் பேட்டி

‘இந்தியா, பாகிஸ்தான் இடையே பதற்றம் குறைந்து வருகிறது’ - டிரம்ப் பேட்டி
“இந்தியா, பாகிஸ்தான் இடையேயான பதற்றம் குறைந்து வருகிறது” என அமெரிக்க ஜனாதிபதி டிரம்ப் கூறினார்.
வாஷிங்டன்,

காஷ்மீருக்கு சிறப்பு அந்தஸ்து அளித்து வந்த இந்திய அரசியல் சாசனத்தின் பிரிவு 370-ஐ மத்திய அரசு கடந்த மாதம் 5-ந் தேதி அதிரடியாக ரத்து செய்தது.

அத்துடன் அந்த மாநிலத்தை 2 யூனியன் பிரதேசங்களாக்கி தனது நேரடி கட்டுப்பாட்டின் கீழ் கொண்டு வந்தது.


இது பாகிஸ்தானுக்கு பெரும் அதிர்ச்சியை ஏற்படுத்தியது. இந்த விவகாரத்தை சர்வதேச நாடுகளிடம் எடுத்துச்செல்வதில் பாகிஸ்தான் பிரதமர் இம்ரான்கான் தீவிரமாக இருக்கிறார். இதனால் இந்தியா, பாகிஸ்தான் இடையேயான உறவில் பதற்றம் நிலவி வந்தது.

இந்த நிலையில் நியூயார்க் நகரில் ஐ.நா. பொதுச்சபை கூட்டம் நடக்க இருக்கிறது. இதில் கலந்துகொள்வதற்காக பிரதமர் மோடி வரும் 22-ந் தேதி தொடங்கி 27-ந் தேதி வரை அமெரிக்காவில் சுற்றுப்பயணம் மேற்கொள்கிறார்.

22-ந் தேதி ஹூஸ்டன் நகரில் ‘மோடி நலமா?’ என்ற நிகழ்ச்சிக்கு ஏற்பாடு ஆகி உள்ளது. 50 ஆயிரத்துக்கும் மேற்பட்ட அமெரிக்க வாழ் இந்தியர்கள் கலந்து கொள்ளும் இந்த நிகழ்ச்சியில் பிரதமர் மோடியுடன் அமெரிக்க ஜனாதிபதி டிரம்பும் பங்கேற்கிறார்.

இதை நேற்று முன்தினம் வாஷிங்டன் வெள்ளை மாளிகையில் நிருபர்களிடம் பேசிய டிரம்ப் உறுதி செய்தார்.

அப்போது அவர், “பிரதமர் மோடியை சந்திக்கிறேன். பாகிஸ்தான் பிரதமரையும் சந்தித்து பேசுகிறேன்” என குறிப்பிட்டார்.

ஆனால் பாகிஸ்தான் பிரதமரை சந்திப்பது எப்போது என்பது பற்றி அவர் எதுவும் குறிப்பிடவில்லை.

இருப்பினும் நியூயார்க் நகரில் ஐ.நா. பொதுச்சபை கூட்டத்தின்போது இம்ரான்கானை டிரம்ப் சந்தித்து பேசுவார் என எதிர்பார்க்கப்படுகிறது.

காஷ்மீரைப் பற்றியோ, காஷ்மீருக்கு சிறப்பு அந்தஸ்து வழங்கிய அரசியல் சாசனத்தின் 370-வது பிரிவை நீக்கிய பின்னர் இந்தியா, பாகிஸ்தான் இடையே நிலவிய பதற்றம் பற்றியோ குறிப்பிடாத டிரம்ப், “அங்கு பதற்றம் குறைவதில் நிறைய முன்னேற்றம் ஏற்பட்டு வருகிறது” என்று மட்டும் குறிப்பிட்டார்.

கடந்த மாதம் பிரான்ஸ் சென்றிருந்தபோது டிரம்பை பிரதமர் மோடி சந்தித்து பேசினார். அப்போது அவர் டிரம்பிடம், “இந்தியா, பாகிஸ்தான் இடையேயான அனைத்து பிரச்சினைகளும் இயல்பாகவே இரு தரப்பு பிரச்சினைகள்தான். இதில் மூன்றாவது நாட்டை நாங்கள் கஷ்டப்படுத்த விரும்பவில்லை. நாங்கள் இரு தரப்புமே விவாதித்து, பிரச்சினைகளை தீர்த்துக்கொள்வோம்” என உறுதிபட தெரிவித்தது நினைவுகூரத்தக்கது.


தொடர்புடைய செய்திகள்

1. இந்தியா-ஆஸ்திரேலியா ராணுவ ஒப்பந்தம்: காணொலி காட்சி மூலம் மோடி பங்கேற்ற உச்சி மாநாட்டில் கையெழுத்தானது
காணொலி காட்சி மூலம் பிரதமர் மோடி பங்கேற்ற உச்சி மாநாட்டில் இந்தியாவுக்கும் ஆஸ்திரேலியாவுக்கும் இடையே ராணுவ ஒப்பந்தம் கையெழுத்து ஆனது.
2. இந்தியாவில் கொரோனா பலி எண்ணிக்கை 6 ஆயிரத்தை தாண்டியது: புதிதாக 9,304 பேருக்கு நோய்த்தொற்று
இந்தியாவில் 24 மணி நேரத்தில் கொரோனாவால் 260 பேர் உயிரிழந்துள்ளனர். இதனால் பலி எண்ணிக்கை 6 ஆயிரத்தை தாண்டியுள்ளது. மேலும் இந்த வைரஸ் தொற்றால் புதிதாக 9,304 பேர் பாதிக்கப்பட்டுள்ளனர்.
3. இந்தியாவுக்கு அமெரிக்கா அடுத்த வாரம் வென்டிலேட்டர்கள் அனுப்புகிறது: பிரதமர் மோடியிடம் டிரம்ப் தகவல்
கொரோனா வைரஸ் நோயாளிகளுக்காக, இந்தியாவுக்கு அமெரிக்கா அடுத்த வாரம் வென்டிலேட்டர்கள் அனுப்ப உள்ளதாக பிரதமர் மோடியிடம் டிரம்ப் தகவல் தெரிவித்தார்.
4. இந்தியாவின் பெயரை ‘பாரத்’ என மாற்ற கோரும் மனு மீது உத்தரவு பிறப்பிக்க சுப்ரீம் கோர்ட்டு மறுப்பு
இந்தியாவின் பெயரை ‘பாரத்’ என மாற்ற கோரி தாக்கல் செய்யப்பட்ட மனு மீது உத்தரவு பிறப்பிக்க மறுத்த சுப்ரீம் கோர்ட்டு, இது தொடர்பாக மத்திய அரசை அணுகுமாறு மனுதாரருக்கு யோசனை தெரிவித்தது.
5. லடாக் எல்லை பிரச்சினை: ஜூன் 6 ஆம் தேதி இந்தியா, சீனா ராணுவ அதிகாரிகள் பேச்சுவார்த்தை
லடாக் பகுதியில் நிலவும் எல்லை பிரச்சினை தொடர்பாக இந்தியா, சீனா ராணுவ அதிகாரிகள் ஜூன் 6 ஆம் தேதி பேச்சுவார்த்தை நடத்த உள்ளனர்.