<
அமெரிக்காவில் 1.30 கோடியை நெருங்கி வரும் கொரோனா பாதிப்பு
அமெரிக்காவில் இதுவரை கொரோனாவால் பாதிக்கப்பட்டவர்களின் மொத்த எண்ணிக்கை 1 கோடியே 27 லட்சத்தைக் கடந்துள்ளது.
வாஷிங்டன்,
உலக அளவில் கொரோனா வைரஸ் நோய்த்தொற்று காரணமாக அதிகம் பாதிக்கப்பட்ட நாடுகளில் அமெரிக்கா தொடர்ந்து முதலிடத்தில் இருந்து வருகிறது. அங்கு தினசரி கொரோனா பாதிப்பு புதிய உச்சத்தைத் தொட்டுள்ளது. கடந்த இரு வாரங்களாக தினமும் 1 லட்சம் முதல் 2 லட்சம் வரையிலான நபர்களுக்கு வைரஸ் தொற்று உறுதி செய்யப்பட்டு வருகிறது.
இந்நிலையில், கடந்த 24 மணி நேரத்தில் அமெரிக்காவில் 1.65 லட்சத்திற்கு அதிகமானோருக்கு கொரோனா தொற்று உறுதி செய்யப்பட்டுள்ளது. இதனால் அங்கு இதுவரை கொரோனாவால் பாதிக்கப்பட்டவர்களின் மொத்த எண்ணிக்கை 1 கோடியே 27 லட்சத்தைக் கடந்துள்ளது.
அதோடு கடந்த 6 மாதங்களில் இல்லாத அளவிற்கு கடந்த 24 மணி நேரத்தில் 2,100 பேர் கொரோனா பாதிப்பால் உயிரிழந்துள்ளனர். இதன் காரணமாக அமெரிக்காவில் இதுவரை கொரோனா பாதிப்பால் உயிரிழந்தவர்களின் எண்ணிக்கை 2 லட்சத்து 65 ஆயிரத்தைத் தாண்டியுள்ளது. அதே நேரம் கொரோனாவில் இருந்து இதுவரை 76 லட்சத்துக்கும் அதிகமானோர் குணமடைந்துள்ளனர்.
அமெரிக்காவில் உள்ள வாஷிங்டன், அலாஸ்கா, மிசோரி, வடக்கு டகோட்டா, இண்டியானா, விஸ்கான்சின், ஒஹையோ, மைனே மற்றும் ஆரேகான் ஆகிய 9 மாகாணங்களில் அதிகமான உயிரிழப்புகள் ஏற்பட்டுள்ளதாக அமெரிக்க செய்தி நிறுவனங்கள் தெரிவித்துள்ளன.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
