மெர்சல் பட தயாரிப்பாளர் மருத்துவமனையில் அனுமதி

சென்னை,

நடிகர் விஜய் நடிப்பில், அட்லீ இயக்கத்தில் வெளியான திரைப்படம் மெர்சல்.  தேனாண்டாள் நிறுவனம் சார்பில் தயாரான இந்த படத்தின் தயாரிப்பாளராக இருந்த முரளி உடல் நலக்குறைவால் சென்னையில் உள்ள தனியார் மருத்துவமனை ஒன்றில் சிகிச்சைக்காக அனுமதிக்கப்பட்டு உள்ளார்.

பிரபல திரைப்பட தயாரிப்பாளர் ஸ்ரீ தேனாண்டாள் பிலிம்ஸ் ராமநாராயணனின் மகனான இவர், தேனாண்டாள் நிறுவனத்தின் சார்பில் தற்போது படங்களை தயாரித்து வருகிறார்.

தமிழ் திரைப்பட தயாரிப்பாளர் சங்க தலைவராகவும் உள்ள தேனாண்டாள் முரளி, பல வருடங்களுக்கு பின்னர் இயக்குனர் எஸ்.ஜே. சூர்யா நடித்து வரும் படத்தின் தயாரிப்பு பணியில் ஈடுபட்டு வந்துள்ளார்.  இந்நிலையில், உடல்நல குறைவால் மருத்துவமனையில் அவர் அனுமதிக்கப்பட்டு உள்ளார்.