நயன்தாரா சாயலில்...!
‘சின்னத்திரை’யில் ஒளிபரப்பான ‘தெய்வ மகள்’ தொடரில், ‘சத்யா’ என்ற பெயரில் கதாநாயகியாக நடித்து பிரபலமானவர், வாணி போஜன்.
ஊட்டியை சேர்ந்த இவர், நயன்தாரா சாயலில் இருப்பது சில முன்னணி கதாநாயகிகளுக்கு பயத்தை ஏற்படுத்தி இருக்கிறது. நயன்தாராவை விட இளமையாக இருப்பது இவருக்கு கூடுதல் அம்சமாக அமைந்து இருக்கிறது.
வாணி போஜனுக்கு புதிய பட வாய்ப்புகள் வரிசை கட்டி நிற்கின்றன. இவர் விதார்த் ஜோடியாக நடித்த படமும், வைபவ் ஜோடியாக நடித்த படமும் விரைவில் திரைக்கு வர உள்ளன.
சமீபத்தில் திரைக்கு வந்த ‘ஓ மை கடவுளே’ படமும் வெற்றிகரமாக ஓடிக்கொண்டிருப்பதால், ராசியான கதாநாயகிகள் வரிசையில் இவர் இடம் பிடித்து இருக்கிறார். அடுத்து இவர் பிரபல கதாநாயகர்களுடன் ஜோடி சேர்ந்தால், வத்தல்களும், தொத்தல்களும் ஓரம் கட்டப்பட்டு விடும்!