கடல் சங்குகளை கொண்டு பிரதமர் மோடியின் மணற்சிற்பம் அமைத்த சிற்பக்கலைஞர்

பாட்னா,

இந்திய பிரதமர் நரேந்திரமோடி தனது 71-வது பிறந்தநாளை இன்று கொண்டாடி வருகிறார். பிறந்தநாளையொட்டி அரசியல் கட்சி தலைவர்கள் உள்ளிட்ட பல்வேறு தரப்பினர் பிரதமர் மோடிக்கு வாழ்த்து தெரிவித்து வருகின்றனர்.

இந்நிலையில், பிரதமர் மோடிக்கு ஒடிசாவின் பூரி கடற்கரையில் மணற்சிற்பம் அமைக்கப்பட்டுள்ளது. 

2035 கடற்சங்குகளை கொண்டு பிரதமர் மோடியின் மணல் சிற்பத்தை பிரபல மணற்சிற்பக்கலைஞர் சுதர்ஷன் பட்னாயக் உருவாகியுள்ளார். பிரதமர் மோடியின் மணற்சிற்பத்துடன் ‘ஹேப்பி பர்த் டே மோடி ஜி’ எனவும் கடற்சங்குகளால் அமைத்துள்ளார்.