உத்தர பிரதேசத்தில் முதல் ஜிகா வைரஸ் பாதிப்பு

கான்பூர்,

உத்தர பிரதேசத்தின் கான்பூர் நகரில் பணியாற்றி வரும் இந்திய விமான படை அதிகாரி ஒருவருக்கு ஜிகா வைரஸ் பாதிப்பு ஏற்பட்டு உள்ளது.  இதுபற்றி தலைமை மருத்துவ அதிகாரி நேபாள் சிங் என்பவர் கூறும்போது, உத்தர பிரதேசத்தில் முதல் ஜிகா வைரஸ் பாதிப்பு கண்டறியப்பட்டு உள்ளது.

இதுபற்றிய தகவல் அறிந்ததும் நாங்கள் 10 குழுக்களை நியமித்தோம்.  அவரது குடியிருப்பு மற்றும் பணியிட பகுதிகளில் முன்னெச்சரிக்கை நடவடிக்கைகளை நாங்கள் தொடங்கியுள்ளோம்.

வீடு, வீடாக சென்று சர்வே, தூய்மைப்படுத்துதல் உள்ளிட்ட விசயங்களை மேற்கொண்டுள்ளோம்.  அவருடன் நெருங்கிய தொடர்பில் இருந்த 22 பேரின் மாதிரிகள் சேகரிக்கப்பட்டு உள்ளன.  அதில் அறிகுறிகள் தென்பட்டு உள்ளன.  அவர்களது மாதிரிகள் பரிசோதனைக்கு அனுப்பி வைக்கப்பட்டு உள்ளன என கூறியுள்ளார்.