வரும் புதன்கிழமை மத்திய அமைச்சரவை கூட்டம் கூடுகிறது

புதுடெல்லி,

மத்திய அமைச்சரவைக் கூட்டம் வரும் புதன்கிழமை கூட உள்ளது. பிரதமர் மோடி தலைமையில் நடைபெறும் இந்தக் கூட்டத்தில் வேளாண் சட்டங்களை திரும்ப பெற ஒப்புதல் பெறப்படும் எனத்தகவல்கள் கூறுகின்றன.

 இதையடுத்தும், வரவிருக்கும் பாராளுமன்ற கூட்டத்தொடரில், வேளாண் சட்டங்களை திரும்பப் பெறுவதற்கான மசோதா தாக்கல் செய்யப்படும் எனவும் மத்திய அரசு வட்டாரங்கள் கூறுகின்றன. 

பாராளுமன்ற குளிர்கால கூட்டத்தொடர் வரும் 29 ஆம் தேதி கூட உள்ளது. வேளாண் சட்டங்களை திரும்பப் பெற வலியுறுத்தி டெல்லியில் தொடர் போராட்டங்களில் ஈடுபட்டுள்ள விவசாயிகள், பாராளுமன்றத்தில் மசோதா தாக்கல் செய்யப்பட்டு சட்டம் முறைப்படி திரும்பபெறப்படும் வரை போராட்டத்தை கைவிட மாட்டோம் எனக் கூறியுள்ளனர்.