சபாநாயகர் தனபாலுடன் அதிமுக கொறடா, அமைச்சர் சிவி சண்முகம் திடீர் சந்திப்பு
சபாநாயகர் தனபாலை அதிமுக கொறடா ராஜேந்திரன் மற்றும் அமைச்சர் சிவி சண்முகம் திடீரென சந்தித்து பேசியுள்ளதால் அரசியல் வட்டாரத்தில் பரபரப்பு ஏற்பட்டுள்ளது. #AIADMK
சென்னை,
சபாநாயகர் தனபாலை அதிமுக கொறடா ராஜேந்திரன் மற்றும் அமைச்சர் சிவி சண்முகம் திடீரென சந்தித்து ஆலோசனை நடத்தினர். அதிமுக கொறடா பங்கேற்றுள்ளதால் எம்.எல்.ஏக்கள் தொடர்பாக ஏதாவது பரிந்துரை வைக்கப்படலாம் என தகவல்கள் கூறுகின்றன.
டிடிவி ஆதரவு எம்.எல்.ஏக்கள் மீது நடவடிக்கை எடுப்பது தொடர்பாக ஆலோசனை நடத்தப்படலாம் எனவும் பரபரப்பாக பேசப்படுகிறது. அறந்தாங்கி எம்.எல்.ஏ ரத்தினசபாபதி, விருத்தாச்சலம் எம்.எல்.ஏ கலைச்செல்வன், கள்ளக்குறிச்சி எம்.எல்.ஏ பிரபு ஆகியோர் தினகரன் ஆதரவு நிலைப்பாட்டில் உள்ளனர் என்பது கவனிக்கத்தக்கது.