வேலூர் பாராளுமன்ற தொகுதி: திமுக வேட்பாளர் கதிர் ஆனந்த் வெற்றி ; முடிவு 4.30 மணிக்கு அறிவிப்பு

வேலூர்

வேலூர் நாடாளுமன்ற பொதுத்தேர்தல் கடந்த 5-ந் தேதி நடைபெற்றது. இதில் அ.தி.மு.க. சார்பில் ஏ.சி.சண்முகமும், தி.மு.க. சார்பில் கதிர்ஆனந்தும், நாம் தமிழர் கட்சி சார்பில் தீபலட்சுமியும் இவர்கள் உள்பட 28 பேர் போட்டியிட்டனர். 

ராணிப்பேட்டை பொறியியல் கல்லூரியில் வாக்கு எண்ணிக்கை நடைபெற்று வருகிறது.  காலை 8 மணிக்கு வாக்குப்பதிவு துவங்கியது. முதலில் தபால் வாக்குகள் எண்ணும் பணி நடைபெற்றது. தபால் வாக்குகள் எண்ணிக்கையில் அதிமுக வேட்பாளர் ஏ.சி சண்முகம் முன்னிலை பெற்று இருந்தார்.

தொடர்ந்து வாக்குகள் முன்னிலை விவரம் மாறிக்கொண்டே இருந்தது.  முதல் 15 சுற்றுகள் வரை அதிமுக வேட்பாளர் ஏ.சி சண்முகம் முன்னிலையில் இருந்தார். தொடர்ந்து வாக்கு எணிணிக்கை நடைபெற்ற போது திமுக வேட்பாளர் கதிர் ஆனந்த் முன்னிலை பெற்றார். இறுதி சுற்று முடிவின் போது கதிர் ஆனந்த் 8141 வாக்குகள் வித்தியாசத்தில்  வெற்றி பெற்றார்.

கதிர் ஆனந்த் - திமுக - 4,85,340 👍

ஏ.சி.சண்முகம் - அதிமுக - 4,77,199 👎

தீபலட்சுமி - நாம்தமிழர் கட்சி - 26,995 👎

நோட்டா - 9,805 ✊

 6 சட்டமன்ற தொகுதியில் 4 தொகுதிகளுக்கான வாக்கு எண்ணிக்கை நிறைவு பெற்று உள்ளது. கே.வி குப்பம், வேலூர் , வாணியம்பாடி தொகுதிகளில் திமுக அதிக வாக்குகள் பெற்றுள்ளது.அணைக்கட்டு தொகுதியில் அதிமுக அதிக வாக்குகள் பெற்றுள்ளது.

வேலூர் தொகுதியிலும் வாக்கு எண்ணிக்கை நிறைவு பெற்றது

அதிமுக பெற்ற வாக்குகள் - 72626 , திமுக பெற்ற வாக்குகள் - 78912 , வாக்கு வித்தியாசம் - 6286

வாணியம்பாடி தொகுதியில் வாக்கு எண்ணிக்கை நிறைவு  பெற்றது 19 சுற்றுகளாக நடைபெற்ற வாக்கு எண்ணிக்கை நிறைவு பெற்றது 

திமுக பெற்ற வாக்குகள் திமுக - 90718, அதிமுக பெற்ற வாக்குகள் - 68923 வாக்கு வித்தியாசம் - 21795

திமுக வெற்றி பெற்றதை தொடர்ந்து அண்ணா அண்ணா அறிவாலயத்தில் தொண்டர்கள் பட்டாசு வெடித்தும், இனிப்பு வழங்கியும் கொண்டாட்டத்தில் ஈடுபட்டனர்.

மாலை 4.30 மணிக்கு வேலூர் மக்களவை தேர்தல் முடிவுகள் அறிவிக்கப்படும் என மாவட்ட ஆட்சியர் சண்முகசுந்தரம் தெரிவித்து உள்ளார்.

வேலூர் பாராளுமன்ற தொகுதியில் அ.தி.மு.க 46. 49 சதவீத வாக்குகளும் தி.மு.க  47.33 சதவீத வாக்குகளும் நாம் தமிழர் 2. 62 சதவீத வாக்குகளும் பெற்று உள்ளன.