பவானிசாகர் அணைக்கு நீர்வரத்து குறைந்தது

ஈரோடு,

தமிழகத்தின் 2-வது மிகப்பெரிய அணையான, ஈரோடு மாவட்டம் பவானிசாகர் அணை 105 அடி முழு கொள்ளளவு கொண்டது ஆகும்.

இன்றைய நிலவரப்படி இந்த அணையின் நீர்மட்டம் 102.41 அடியாக உள்ளது. அணையின் நீர்பிடிப்பு பகுதியில் மழை குறைந்ததையடுத்து, தற்போது அணைக்கு வரும் நீர்வரத்தின் அளவு குறைந்துள்ளது.

நேற்றைய நிலவரப்படி வினாடிக்கு 1825 கனஅடியாக இருந்த நீர்வரத்து, இன்று வினாடிக்கு 1798 கன அடியாக குறைந்துள்ளது.

அணையில் தற்போது 30.6 டி.எம்.சி தண்ணீர் நீர் இருப்பு உள்ளது. மேலும் அணையில் இருந்து பவானி ஆற்றுக்கும், வாய்க்கால் பாசனத்திற்காகவும் 1900 கனஅடி நீர் திறந்துவிடப்பட்டுள்ளது.