தமிழர்களை இழிவுப்படுத்தும் தொடர்: ஒளிபரப்பை நிறுத்த சீமான் கடிதம்

சென்னை,

தமிழர்களுக்கு எதிரான தி பேமிலி மேன்-2 என்ற இணையத்தொடர் ஒளிபரப்பை உடனடியாக நிறுத்த வலியுறுத்தி அமேசான் பிரைம் தலைமை அதிகாரி அபர்ணா பிரோகித்துக்கு, நாம் தமிழர் கட்சியின் தலைமை ஒருங்கிணைப்பாளர் சீமான் எழுதிய கடிதத்தில் கூறியிருப்பதாவது:-

உலக முழுவதும் வாழும் தமிழர்களின் பெரும் எதிர்ப்பையும் மீறி கடந்த 4-ந்தேதி உங்களது அமேசான் பிரைம் வீடியோ தளத்தில் தமிழர்களை இழிவுப்படுத்தும் தி பேமிலி மேன்-2 எனும் இணையத்தொடர் வெளியானது. இது தமிழர்களுக்கு மிகுந்த மனவலியை ஏற்படுத்தி உள்ளது. எனவே இந்த ஒளிபரப்பை உடனடியாக நிறுத்த வேண்டும். அவ்வாறு செய்யத்தறி எங்கள் உணர்வுகளை அலட்சியம் செய்து உதறித்தள்ளினால், உலகம் முழுவதும் உள்ள தமிழர்கள் ஒருங்கிணைந்து அமேசான் பிரைம் வீடியோ உட்பட அமேசான் நிறுவனத்தின் அனைத்து சேவைகளையும் தமிழர்கள் அனைவரும் புறக்கணிக்கச் செய்யும் வகையில் மாபெரும் கருத்து பரப்புரையைத் தீவிரமாக முன்னெடுப்போம்.

இவ்வாறு அவர் கூறி உள்ளார்.