சத்தி கூட்டுறவு சங்கத்தில் பருத்தி ரூ.1¼ கோடிக்கு ஏலம்

சத்தியமங்கலம்

சத்தியமங்கலம் கோபி ரோட்டில் உள்ள வேளாண்மை உற்பத்தியாளர்கள் கூட்டுறவு விற்பனை சங்கத்தில் பருத்தி ஏலம் நடந்தது. இதற்கு சத்தியமங்கலம், அரியப்பம்பாளையம், அரசூர், பெரியகுளம், கே.என்.பாளையம், ராஜன் நகர், புதுப்பீர்கடவு, கொத்தமங்கலம் ஆகிய பகுதிகளில் இருந்து வந்த விவசாயிகள் 4 ஆயிரத்து 27 மூட்டைகள் கொண்டு வந்திருந்தார்கள். பருத்தி (குவிண்டால்) ரூ.8 ஆயிரத்து 249 முதல் ரூ.9 ஆயிரத்து 599 வரை என மொத்தம் ரூ.1 கோடியே 23 லட்சத்து 41 ஆயிரத்து 400-க்கு விற்பனை செய்யப்பட்டது. சத்தியமங்கலம், கோபி, திருப்பூர், அவினாசி, கோவை ஆகிய ஊர்களில் இருந்து வியாபாரிகள் வந்து ஏலம் எடுத்தார்கள்.