கல்யாண விநாயகர் கோவிலில் வருசாபிஷேகம்

உடன்குடி:

உடன்குடி பண்டாரவிளை தெரு கல்யாண விநாயகர் கோவில் வருசாபிஷேக விழா நடந்தது. இவ்விழாவை முன்னிட்டு காலை 10 மணிக்கு கணபதி ஹோமம், யாகசாலை பூஜையும் நடந்தது. பூஜையில் இருந்து புனித நீரை ஊர்வலமாக எடுத்து சென்று காலை 11 மணிக்கு விமான அபிஷேகம், தொடர்ந்து கல்யாண விநாயகருக்கு அபிஷேகம், பகல் 12 மணிக்கு சிறப்பு அலங்கார பூஜையும் நடந்தது. இதில் திரளான பக்தர்கள் கலந்து கொண்டு தரிசனம் செய்தனர்.