ஐ.நா. முன்னாள் பொதுச்செயலாளர் கோபி அன்னான் மறைவு
ஐ.நா. சபை முன்னாள் பொதுச்செயலாளர் கோபி அன்னான் 80 வயதில் காலமானார்.
முன்னாள் ஐ.நா. சபை தலைவர் மற்றும் நோபல் அமைதிக்கான பரிசு பெற்றவருமான கோபி அன்னான் தனது 80 வயதில் இன்று காலமானார். நோய்வாய்பட்டு இருந்த கோபி அன்னன் மறைவு செய்தியை கோபி அன்னான் அறக்கட்டளை அதன் டுவிட்டர் பக்கத்தில் வெளியிட்டு உறுதி படுத்தி உள்ளது.
It is with immense sadness that the Annan family and the Kofi Annan Foundation announce that Kofi Annan, former Secretary General of the United Nations and Nobel Peace Laureate, passed away peacefully on Saturday 18th August after a short illness... pic.twitter.com/42nGOxmcPZ
— Kofi Annan (@KofiAnnan) August 18, 2018
கோபி தன்னுடைய கானா நாட்டினைச் சேர்ந்தவர். ஐக்கிய நாடுகளின் சபையில் ஏழாவது பொதுச் செயலாளராக பதவி வகித்தார்.
தன்னுடைய பதவி காலத்தில் மிகப் பெரிய பொறுப்புகளை சிறப்பாக செய்ததன் விளைவாக அவருக்கு 2001ம் ஆண்டில் அமைதிக்கான நோபல் பரிசு வழங்கப்பட்டது.
அவரின் பதவிக்காலம் முடிவடைந்த பின்னரும் கூட சிரியாவில் நடைபெற்ற போர் குறித்து ஆய்வு செய்து பல முக்கியமான முடிவுகளை முன்னெடுக்க உதவினார் என்பது குறிப்பிடத்தக்கது.