அமீரகத்தில் ஒரே நாளில் 55 ஆயிரத்து 611 பேருக்கு கொரோனா தடுப்பூசி; சுகாதார அமைச்சகம் தகவல்

அமீரகம் முழுவதும் கொரோனா பரவாமல் தடுக்க பல்வேறு நடவடிக்கைகள் எடுக்கப்பட்டு வருகிறது. இதன் ஒரு பகுதியாக தடுப்பூசி போடும் பணியானது முடுக்கி விடப்பட்டுள்ளது. அதன்படி அமீரகத்தில் கடந்த 24 மணி நேரத்தில் மட்டும் 55 ஆயிரத்து 611 பேருக்கு கொரோனா தடுப்பூசி போடப்பட்டுள்ளது.

இதன்மூலம் அமீரகத்தில் இதுவரை 1 கோடியே 14 லட்சத்து 22 ஆயிரத்து 565 பேருக்கு இந்த தடுப்பூசி போடப்பட்டுள்ளது. இது 100-க்கு 115.49 பேர் என்ற விகிதத்தில் இருந்து வருகிறது. தொடர்ந்து தடுப்பூசி போடும் பணி அதிகப்படுத்தப்பட்டுள்ளது.

இவ்வாறு அதில் தெரிவிக்கப்பட்டுள்ளது.