50 ஓவர் ஒருநாள் போட்டியில் 257 ரன்கள் குவித்து சாதனை
ஆஸ்திரேலியாவின் டி ஆர்கி ஷார்ட், உள்ளூர் ஒருநாள் போட்டியில் 257 ரன்கள் குவித்து சாதனை படைத்துள்ளார்.
ஆஸ்திரேலியாவில் உள்ளூர் அணிகளுக்கு இடையேயான 50 ஓவர் ஒருநாள் தொடர் நடைபெற்று வருகிறது. இன்று நடந்த போட்டியில் மேற்கு ஆஸ்திரேலியா- குயின்ஸ்லாந்து அணிகள் மோதின.
முதலில் ஆடிய மேற்கு ஆஸ்திரேலியா அணி 47 ஓவர்களில் 387 ரன்கள் எடுத்தது. அந்த அணியில் 3-வது வீரராக களம் இறங்கிய டி ஆர்கி ஷார்ட், எதிரணியின் பந்துவீச்சை துவம்சம் செய்தார்.
ஆர்கி ஷார்ட் 148 பந்துகளில் 15 பவுண்டரிகள், 23 சிக்ஸர்களுடன் 257 ரன்கள் குவித்தார். இதன்மூலம், 50 ஓவர் போட்டிகளில் அதிக ரன்கள் குவித்த ஆஸ்திரேலிய வீரர் என்ற சாதனையை படைத்துள்ளார்.
அத்துடன் சர்வதேச அளவில் மூன்றாவது இடத்தையும் பிடித்துள்ளார். பின்னர் களம் இறங்கிய குயின்ஸ்லாந்து அணி 42.3 ஓவர்களில் 271 ரன்கள் எடுத்து ஆல்-அவுட் ஆனது. அந்த அணி தரப்பில் சாம் ஹெசிலெட் 107 ரன்ககள் எடுத்தார். இதன்மூலம், மேற்கு ஆஸ்திரேலியா 116 ஓட்டங்கள் வித்தியாசத்தில் வெற்றி பெற்றது.