சென்னை வீரர் பிராவோ மீண்டும் காயம்

சார்ஜா,

சென்னை சூப்பர் கிங்ஸ் அணியின் தலைமை பயிற்சியாளர் ஸ்டீபன் பிளமிங் அளித்த பேட்டியில், ‘டெல்லிக்கு எதிரான ஆட்டத்தில் கடைசி ஓவரை வீச முடியாமல் போனதற்காக ஆல்-ரவுண்டர் வெய்ன் பிராவோ மிகுந்த ஏமாற்றத்திற்கு உள்ளானார். ஆனால் வலது இடுப்பு பகுதியில் ஏற்பட்ட காயத்தால் வலி அதிகமாக இருந்ததால் தான் வேறு வழியின்றி அவர் வெளியேறினார். 

காயம் காரணமாக அவர் சில நாட்களோ அல்லது ஓரிரு வாரங்களோ ஆட்டத்தை தவற விட வேண்டியது வரலாம்.’ என்றார். ஏற்கனவே கால் முட்டி காயத்தால் அவர் முதல் 3 ஆட்டங்களில் விளையாடவில்லை. தோல்விகளால் துவண்டு போய் உள்ள சென்னை அணிக்கு பிராவோவின் காயம் மேலும் ஒரு பேரிடியாகும்.