பாகிஸ்தான் கிரிக்கெட் வாரிய தலைவராக ரமீஸ் ராஜா தேர்வு

லாகூர்,

பாகிஸ்தான் கிரிக்கெட் வாரியத்தின் தலைவராக ரமீஸ் ராஜா தேர்வு செய்யப்பட்டுள்ளார்.  பாகிஸ்தான் கிரிக்கெட் வாரியத்தின்  36-வது தலைவராக தேர்வு  ஆகியுள்ள ரமீஸ் ராஜா அடுத்த மூன்றாண்டுகளுக்கு இப்பதவியை வகிப்பார் என்று தெரிவிக்கப்பட்டுள்ளது.

பாகிஸ்தான் கிரிக்கெட் அணிக்காக 255 சர்வதேச போட்டிகளில் விளையாடியுள்ள ரமீஸ் ராஜா 8,674- ரன்கள் குவித்துள்ளார். 1984- 1997 வரை பாகிஸ்தான் கிரிக்கெட் அணிக்காக ரமீஸ் ராஜா விளையாடினார்.

 கிரிக்கெட்டில் இருந்து ஓய்வு பெற்ற பிறகு 200-2004 வரை பாகிஸ்தான் கிரிக்கெட் வாரியத்தின் தலைமை செயல் நிர்வாகியாகவும் இருந்தார். கிரிக்கெட் போட்டிகளுக்கு வர்ணணையாளராகவும் ரமீஸ் ராஜா பணியாற்றியுள்ளார்.