ஐ.எஸ்.எல். கால்பந்து: மும்பை அணி 6-வது வெற்றி

கோவா, 

நேற்றிரவு அரங்கேறிய 44-வது லீக் ஆட்டத்தில் மும்பை சிட்டி- கேரளா பிளாஸ்டர்ஸ் அணிகள் மோதின. விறுவிறுப்பான இந்த ஆட்டத்தில் மும்பை அணி 2-0 என்ற கோல் கணக்கில் கேரளாவை தோற்கடித்தது. 3-வது நிமிடத்தில் ஆடம் லீ பான்ட்ரே பெனால்டி வாய்ப்பிலும், 11-வது நிமிடத்தில் ஹூகோ பவுமோசும் கோல் அடித்தனர். இதுவரை 8 ஆட்டத்தில் ஆடியுள்ள மும்பை அணி 6 வெற்றி, ஒரு டிரா, ஒரு தோல்வி என்று 19 புள்ளிகளுடன் முதலிடத்துக்கு முன்னேறியுள்ளது. கேரள அணிக்கு இது 4-வது தோல்வியாகும். இன்றைய லீக் ஆட்டங்களில் ஈஸ்ட் பெங்கால்-ஒடிசா எப்.சி. (மாலை 5 மணி), ஏ.டி.கே. மோகன் பகான்- நார்த் ஈஸ்ட் யுனைடெட் (இரவு 7.30 மணி) அணிகள் மோதுகின்றன.