சிட்னி டென்னிஸ்:இறுதிப்போட்டியில் சானியா ஜோடி தோல்வி

சிட்னி, 

சிட்னி சர்வதேச டென்னிஸ் போட்டி ஆஸ்திரேலியாவில் நடந்து வந்தது. இதில் நேற்று அரங்கேறிய பெண்கள் இரட்டையர் இறுதி ஆட்டத்தில் இந்தியாவின் சானியா மிர்சா, செக்குடியரசின் பார்போரா ஸ்டிரிகோவா ஜோடி 4&6, 4&6 என்ற நேர் செட்டில் டைமியா பாபோஸ் (ஹங்கேரி)& அனஸ்டசியா பாவ்லிசென்கோவா (ரஷியா) இணையிடம் தோற்று கோப்பையை கோட்டை விட்டது.

ஒற்றையர் இறுதி ஆட்டத்தில் இங்கிலாந்து வீராங்கனை ஜோஹன்னா கோன்டா 6&4, 6&2 என்ற நேர் செட் கணக்கில் போலந்தின் அக்னீஸ்கா ராட்வன்ஸ்காவை தோற்கடித்து சாம்பியன் கோப்பையை தட்டிச் சென்றார். கோன்டா வென்ற 2-வது சர்வதேச பட்டம் இதுவாகும்.