'கேப்டன் மில்லர்' படத்தின் இரண்டாவது பாடலை வெளியிட்ட படக்குழு
"உன் ஒளியிலே" என்ற பாடல் இன்று மாலை 5 மணிக்கு வெளியாகும் என்று படக்குழு தெரிவித்திருந்தது.
சென்னை,
இயக்குநர் அருண் மாதேஸ்வரன் இயக்கத்தில் தனுஷ் நடித்துள்ள திரைப்படம் 'கேப்டன் மில்லர்'. வரலாற்று பாணியில் உருவாகியுள்ள இந்த படத்துக்கு ஜி.வி. பிரகாஷ் இசையமைத்திருக்கிறார். இதில் பிரியங்கா அருள் மோகன், நிவேதிதா சதிஷ், ஜான் கொக்கன், சுமேஷ் மூர், சிவராஜ்குமார் உள்ளிட்ட பலர் முக்கிய கதாபாத்திரத்தில் நடித்துள்ளனர்.
இந்த படத்தின் போஸ்ட் புரொடக்சன் பணிகள் விறுவிறுப்பாக நடைபெற்று வருகின்றன. 'கேப்டன் மில்லர்' திரைப்படத்தின் டீசர் மற்றும் முதல் பாடல் சமீபத்தில் வெளியாகி கவனம் பெற்றது. இந்த படம் அடுத்த ஆண்டு பொங்கலுக்கு வெளியாகும் என்று அறிவிக்கப்பட்டுள்ளது.
இந்த படத்தின் இரண்டாவது பாடல் குறித்த அறிவிப்பு நேற்று வெளியானது. அதன்படி, "உன் ஒளியிலே" என்ற பாடல் இன்று மாலை 5 மணிக்கு வெளியாகும் என்று படக்குழு தெரிவித்திருந்தது.
இந்நிலையில், இப்படத்தில் இடம்பெற்றுள்ள "உன் ஒளியிலே" பாடலை படக்குழு வெளியிட்டுள்ளது. இந்த பாடல் சமூக வலைதளத்தில் வைரலாகி வருகின்றது.