கர்நாடகாவில் மேலும் 571- பேருக்கு கொரோனா தொற்று

பெங்களூரு,

கர்நாடகாவில் புதிதாக 571- பேருக்கு கொரோனா தொற்று உறுதி செய்யப்பட்டுள்ளது. மாநிலத்தில் கடந்த 24 மணி நேரத்தில் தொற்று பாதிப்பால் 4 பேர் உயிரிழந்துள்ளனர். தொற்று பாதிப்பில் இருந்து 642- பேர் குணம் அடைந்துள்ளனர்.  

கர்நாடகாவில் இதுவரை கொரோனா பாதித்தவர்கள் எண்ணிக்கை 9 லட்சத்து 50 ஆயிரத்து 207- ஆக உள்ளது. தொற்றில் இருந்து குணம் அடைந்தவர்கள் எண்ணிக்கை 9 லட்சத்து 32- ஆயிரத்து 367- ஆகும். தொற்று பாதிப்புடன் 5,501- பேர் சிகிச்சை பெற்று வருகின்றனர்.  கொரோனா பாதிப்பால் 12,320- பேர் இதுவரை கர்நாடகத்தில் உயிரிழந்துள்ளனர்.