இந்தியாவில் கடந்த 24 மணி நேரத்தில் 43,654- பேருக்கு கொரோனா
இந்தியாவில் கடந்த 24 மணி நேரத்தில் கொரோனா பாதிப்புக்கு 640-பேர் உயிரிழந்துள்ளனர்.
புதுடெல்லி,
இந்தியாவில் கடந்த 24 மணி நேரத்தில் 43, 654- பேருக்கு கொரோனா வைரஸ் தொற்று உறுதி செய்யப்பட்டுள்ளது. தொற்று பாதிப்பால் ஒரே நாளில் 640- பேர் உயிரிழந்துள்ளனர். நாட்டில் தொற்று பாதிப்புடன் சிகிச்சையில் உள்ளவர்கள் எண்ணிக்கை 3,99,436- ஆக உள்ளது. கொரோனாவில் இருந்து ஒரே நாளில் 41,678-பேர் குணம் அடைந்துள்ளனர்.
இந்தியாவில் கொரோனா பாதிப்பில் இருந்து இதுவரை குணம் அடைந்தவர்கள் எண்ணிக்கை 3 கோடியே 06 லட்சத்து 63 ஆயிரத்து147- ஆக உள்ளது. தொற்று பாதிப்பால் உயிரிழந்தவர்கள் எண்ணிக்கை 4 லட்சத்து 22 ஆயிரத்து 022- ஆக உள்ளது. தினசரி தொற்று பாதிப்பு விகிதம் 2.51 சதவிகிதமாக உயர்ந்துள்ளது.