உத்தரபிரதேச சட்டசபை தேர்தலில் அனைத்து தொகுதியிலும் களமிறங்கும் சிவசேனா

மும்பை,

403 தொகுதிகளை கொண்ட உத்தரபிரதேச சட்டசபைக்கு அடுத்த ஆண்டு தேர்தல் நடைபெற உள்ளது. இந்தியாவில் அதிக மக்கள் தொகை கொண்ட மாநிலமான உத்தரபிரதேசத்தில் நடைபெற உள்ள சட்டசபை தேர்தல் பல்வேறு தரப்பினர் இடையே மிகுந்த ஆர்வத்தை ஏற்படுத்தியுள்ளது. 

இந்த சட்டசபை தேர்தலில் காங்கிரஸ், பாஜக, சமாஜ்வாதி, பகுஜன் சமாஜ் உள்ளிட்ட பல்வேறு கட்சிகள் களமிறங்க உள்ளன.

இந்நிலையில், உத்தரபிரதேசத்தில் நடைபெற உள்ள சட்டசபை தேர்தலில் சிவசேனா போட்டியிடும் என அறிவிக்கப்பட்டுள்ளது. மொத்தமுள்ள 403 தொகுதியிலும் சிவசேனா போட்டியிட உள்ளது. இந்த தேர்தலில் வேறு கட்சிகளுடன் கூட்டணி வைப்பது குறித்த தகவல்களை சிவசேனா தெரிவிக்கவில்லை.