டெல்லியில் பெட்ரோல் விலை லிட்டருக்கு ரூ.8 குறைப்பு

புதுடெல்லி,

டெல்லியில் பெட்ரோல் மீதான வாட் வரி 30 சதவீதத்தில் இருந்து இருந்து 19.40 சதவீதமாக குறைக்கப்பட்டுள்ளது. இதன் மூலம் பெட்ரோல் விலை ஒரு லிட்டருக்கு ரூ.8 குறைந்துள்ளது.  இந்த விலைக்குறைப்பு நள்ளிரவு முதல் அமலுக்கு வரும்.  முன்னதாக, பெட்ரோல், டீசல் விலை  வரலாறு காணாத வகையில்  உயர்ந்தது.

 இதையடுத்து,  கலால் வரியை குறைத்து பெட்ரோல் விலை ரூ.5-ம் டீசல் விலை ரூ.10- ம் மத்திய அரசால் குறைக்கப்பட்டது. டெல்லியில் தற்போது ஒரு லிட்டர் பெட்ரோல் ரூ.103.97- க்கு விற்பனையாகிறது. டீசல் ஒரு லிட்டர் ரூ.86.67- ஆக விற்பனை செய்யப்படுகிறது. பெருநகரங்களில் மும்பையில் தான் எரிபொருள் விலை அதிகமாக விற்பனையாகிறது.