பெட்ரோல் விலை 8 காசுகள் குறைவு, டீசல் விலை 13 காசுகள் உயர்வு

சென்னை, 

சர்வதேச கச்சா எண்ணெய் விலைக்கு தகுந்தாற்போல் எண்ணெய் நிறுவனங்கள் பெட்ரோல், டீசல் விலையை தினசரி ஏற்ற இறக்கத்துடன் விற்பனை செய்து வருகின்றன. இதனால், பெட்ரோல் விலையின் தாக்கம் வாகன ஓட்டிகளிடையே பெரிதாக தெரிவது இல்லை. புத்தாண்டு பிறந்ததையொட்டி, கடந்த 1-ந் தேதி முதல் 3-ந் தேதி வரை பெட்ரோல், டீசல் விலையில் மாற்றங்கள் இல்லாமல் விற்பனை செய்யப்பட்டது. 

பின்னர் 9-ந் தேதி வரை பெரிய அளவில் மாற்றம் இல்லாமல் விற்பனை செய்யப்பட்டது. கடந்த 10-ந் தேதி ஏறுமுகத்தை கண்ட பெட்ரோல், டீசல் விலை தொடர்ச்சியாக உயர்ந்து வந்துள்ளது. அதாவது கடந்த 9-ந் தேதி 71 ரூபாய் 7 காசுக்கு விற்பனை செய்யப்பட்ட பெட்ரோல் 10-ந் தேதி 40 காசு அதிகரித்து 71 ரூபாய் 47 காசுக்கு விற்பனை செய்யப்பட்டது. பின்னர் தொடர்ச்சியாக ஏறுமுகம் கண்ட பெட்ரோல் விலை கடந்த 6 நாட்களில் மட்டும் லிட்டருக்கு ரூ.2 அதிகரித்து உள்ளது.

இதே போன்று, கடந்த 9-ந் தேதி 65 ரூபாய் 70 காசுக்கு விற்பனை செய்யப்பட்ட ஒரு லிட்டர் டீசல் 10-ந் தேதி 31 காசு அதிகரித்து 66 ரூபாய் ஒரு காசுக்கு விற்பனை செய்யப்பட்டது.  தொடர்ந்து ஏறுமுகம் கண்ட டீசல் விலை கடந்த 6 நாட்களில் மட்டும் லிட்டருக்கு 2 ரூபாய் 37 காசு அதிகரித்து.  இந்த நிலையில், இன்று பெட்ரோல் விலை லிட்டருக்கு  8 காசுகள் குறைந்துள்ளது. டீசல் விலை 13 காசுகள் அதிகரித்துள்ளது. 

சென்னையில், ஒரு லிட்டர் பெட்ரோல் ரூ.73 ஆகவும், டீசல் 68.22-க்கும் விற்பனை செய்யப்படுகின்றது. கடந்த டிசம்பர் மாதத்தில் சற்று இறங்கு முகத்தில் இருந்து வந்த பெட்ரோல், டீசல் விலையானது, ஏறத்தாழ ஒருவாரமாக உயர்ந்து வருவது வாகன ஓட்டிகளிடையே பெரும் அதிர்ச்சியை ஏற்படுத்தி உள்ளது.