இங்கிலாந்து பெண்கள் அணியிடம் ஆஸ்திரேலியா தோல்வி

மும்பை,

மும்பையில் நடந்து வரும் முத்தரப்பு 20 ஓவர் கிரிக்கெட் தொடரில் நேற்று நடந்த 2-வது லீக் ஆட்டத்தில் ஆஸ்திரேலியா - இங்கிலாந்து அணிகள் மோதின. இதில் முதலில் பேட் செய்த ஆஸ்திரேலியா 8 விக்கெட் இழப்புக்கு 149 ரன்கள் எடுத்தது. இந்த இலக்கை இங்கிலாந்து அணி 17 ஓவர்களிலேயே எட்டிப்பிடித்து 8 விக்கெட் வித்தியாசத்தில் அபார வெற்றி பெற்றது. டாமி பியூமோன்ட் (58 ரன்), நாதலி சிவெர் (68 ரன்) அரைசதம் அடித்து களத்தில் இருந்தனர். நாளை நடக்கும் 3-வது லீக் ஆட்டத்தில் இந்தியா-இங்கிலாந்து அணிகள் சந்திக்கின்றன.