பெண்கள் பிக்பாஷ் கிரிக்கெட் போட்டியில் ஷபாலி வர்மா, ராதா யாதவ் பங்கேற்கிறார்கள்

புதுடெல்லி, 

7-வது பெண்கள் பிக்பாஷ் லீக் 20 ஓவர் கிரிக்கெட் போட்டி ஆஸ்திரேலியாவில் வருகிற அக்டோபர் மற்றும் நவம்பர் மாதங்களில் நடக்க இருக்கிறது. இந்த போட்டியில் பங்கேற்கும் 2 முறை சாம்பியனான சிட்னி சிக்சர்ஸ் அணிக்காக விளையாட இந்திய பெண்கள் கிரிக்கெட் அணியின் 17 வயது அதிரடி தொடக்க வீராங்கனையான ஷபாலி வர்மா ஒப்பந்தம் செய்யப்பட்டுள்ளார். 21 வயது இந்திய இடக்கை சுழற்பந்து வீச்சாளர் ராதா யாதவை ஒப்பந்தம் செய்ய சிட்னியை அடிப்படையாக கொண்டு செயல்படும் இரண்டு கிளப் அணிகளில் ஒன்று முயற்சித்து வருகிறது. அவரது ஒப்பந்தம் விரைவில் இறுதி செய்யப்படும் என்று தெரிகிறது. இருவரும் பிக்பாஷ் லீக் போட்டியில் அறிமுக வீராங்கனையாக அடியெடுத்து வைக்க இருக்கிறார்கள்.