கிறிஸ்டியானோ ரொனால்டோ காயமடைந்த வீடியோ வைரலாகி வருகிறது

லா லிகா தொடரில் ரியல் மாட்ரிட் அணி, நேற்று டிபோரிடிவோ அணியை எதிர்கொண்டது. இப்போட்டியில் சிறப்பாக விளையாடி வந்த ரியல் மாட்ரிட், 5-1 என்ற கோல் கணக்கில் முன்னிலை வகித்தது.போட்டியின் 83-வது நிமிடத்தின் போது, டிபோரிடிவோ அணி வீரர் பபியன் சசர்  பந்தை உதைக்க முயன்ற போது, அவரின் கால் ரொனால்டோவின் முகத்தில் பலமாக பட்டது.

இதனால் படுகாயமடைந்த ரொனால்டோவின் முகத்தில் ரத்தம் கசிந்தது. இதனைத் தொடர்ந்து, மைதானத்தை விட்டு உடனடியாக வெளியேறினார் ரொனால்டோ. அப்போது, உதவியாளரின் கைப்பேசியை வாங்கிய ரொனால்டோ, தனது முகத்தில் எந்த அளவில் காயம் ஏற்பட்டுள்ளது என்று பார்த்தார். 

இந்த வீடியோவை டுவிட்டர் சமூக வலைதளத்தில், பலர் கிண்டல் செய்யும் வகையில் பகிர்ந்து வருகின்றனர்.இப்போட்டியில் ரியல் மேட்ரிட் அணி 7-1 என்ற கோல் கணக்கில் வெற்றி பெற்றது. மேலும், ரொனால்டோ 2 கோல்கள் அடித்திருந்தார் என்பது குறிப்பிடத்தக்கது.