கால்பந்து போட்டி: தொடர்ந்து முதலிடத்தில் நீடிக்கும் யுவென்டஸ் அணி

புதுடெல்லி,

சீரி ஏ கிளப் அணிகளுக்கான கால்பந்து போட்டி இத்தாலியில் நடந்து வருகிறது. இதில் நேற்று நடந்த ஒரு ஆட்டத்தில் ஏ.சி. மிலன் அணி 4-2 என்ற கோல் கணக்கில் கிறிஸ்டியானா ரொனால்டோவை உள்ளடக்கிய யுவென்டசை தோற்கடித்தது. இதில் 5 நிமிட (62, 66, 67-வது நிமிடம்) இடைவெளியில் 3 கோல்களை அடித்து மிலன் அணியினர் ஆச்சரியப்படுத்தினர். இருப்பினும் புள்ளி பட்டியலில் யுவென்டஸ் அணி 75 புள்ளிகளுடன் தொடர்ந்து முதலிடத்தில் நீடிக்கிறது. ஏ.சி. மிலன் 49 புள்ளிகளுடன் 5-வது இடத்தில் இருக்கிறது.