புரோ கபடி லீக்: மும்பை அணியை வீழ்த்தி பாட்னா பைரட்ஸ் வெற்றி

பெங்களூரு,

 

12 அணிகள் இடையிலான 8-வது புரோ கபடி லீக் போட்டி பெங்களூருவில் நடந்து வருகிறது. இதில் நேற்றிரவு நடந்த ஆட்டத்தில் முன்னாள் சாம்பியன் பாட்னா பைரட்ஸ், மும்பை அணியுடன் மோதியது. 

இந்த ஆட்டத்தில் பாட்னா பைரட்ஸ் அணி 43-23 என்ற புள்ளி கணக்கில் மும்பையை சாய்த்து 6-வது வெற்றியை ருசித்தது. மற்றொரு ஆட்டத்தில் குஜராத் ஜெயன்ட்ஸ் அணி 40-22 என்ற புள்ளி கணக்கில் தெலுங்கு டைட்டன்சை வென்றது. 

இன்றைய ஆட்டங்களில் அரியானா ஸ்டீலர்ஸ்-உ.பி. யோத்தா (இரவு 7.30 மணி), தபாங் டெல்லி- பெங்களூரு புல்ஸ் (இரவு 8.30 மணி) அணிகள் சந்திக்கின்றன.